Sun Salutation: ସୂର୍ଯ୍ୟ ନମସ୍କାରର ସଠିକ୍ ବିଧି, ଯୋଗାସନ ଓ ମନ୍ତ୍ର 🌄

ସୂର୍ଯ୍ୟ ନମସ୍କାର ଏକ ସମ୍ପୂର୍ଣ୍ଣ ଯୋଗ କ୍ରିୟା

ଅଭିଜ୍ଞ ହୁଅନ୍ତୁ କି ନବୀନ ପ୍ରାୟ ସମସ୍ତ ଯୋଗୀ, ଯୋଗ ସାଧକ ଓ ଯୋଗାଭ୍ୟାସକାରୀ ସୂର୍ଯ୍ୟ ନମସ୍କାର ଦିନଚର୍ଯ୍ୟା ଆରମ୍ଭରୁ କରିଥାନ୍ତି । କାରଣ ସୂର୍ଯ୍ୟ ନମସ୍କାର ୧୨ଟି ସୋପାନରେ ୧୨ଟି ଶକ୍ତିଶାଳୀ ଯୋଗକ୍ରିୟାର ସମାହାର । ସମୟ ଓ ଇଚ୍ଛା ଅନୁସାରେ ଯେତେଥର ଚାହିଁଲେ ବି ସୂର୍ଯ୍ୟ ନମସ୍କାର କରାଯାଇପାରେ ।

ସୂର୍ଯ୍ୟ ନମସ୍କାର କ୍ରିୟା କରିବା ଦ୍ୱାରା ଶରୀର ସାରା ଦିନ ସକ୍ରିୟ ରହିଥାଏ । ସୂର୍ଯ୍ୟ ଉଦୟ କିମ୍ବା ସୂର୍ଯ୍ୟ ଅସ୍ତ ସମୟରେ ମାତ୍ର ୧୫ ମିନିଟ ପାଇଁ ସୂର୍ଯ୍ୟ ନମସ୍କାର କ୍ରିୟା ଆପଣଙ୍କୁ ଚାପମୁକ୍ତ କରିପାରିବ । କିନ୍ତୁ ଏହି ଅଭ୍ୟାସ କରିବା ପାଇଁ ସର୍ବନିମ୍ନ ଦୁଇଟି ସର୍ତ୍ତ ପାଳନ କରିବା ଆବଶ୍ୟକ । ସୂର୍ଯ୍ୟ କିରଣ ଓ ଖାଲି ପେଟ ଥିବା ଆବଶ୍ୟକ ।

ଉଦୟମୁଖି କିମ୍ବା ଅସ୍ତଗାମୀ ସୂର୍ଯ୍ୟଙ୍କୁ ପ୍ରଣିପାତ କରି ୮ଟି ଯୋଗାସନ ସହ ୪ଟି ଯୋଗାସନର ପୁନରାବୃତ୍ତି ଅଭ୍ୟାସକୁ ଯୋଗାସନ କରିବା ପୂର୍ବରୁ ଅଭ୍ୟାସ କରାଯାଇଥାଏ । ସକାଳେ ଖାଲି ପେଟରେ କିମ୍ବା ସଂଧ୍ୟା ସମୟରେ, ଖାଦ୍ୟ ଖାଇବାର ଅତି କମରେ ୫ ଘଣ୍ଟା ପରେ ଆପଣ ସୂର୍ଯ୍ୟ ନମସ୍କାର କରିପାରିବେ । ସୂର୍ଯ୍ୟ ନମସ୍କାରର ୧୨ଟି ସୋପାନକୁ କ୍ରମାନ୍ୱୟରେ ଅଭ୍ୟାସ କରିବା ଜରୁରୀ ।

ସକାଳ ସମୟ ସୂର୍ଯ୍ୟ ନମସ୍କାର ପାଇଁ ସର୍ବୋତ୍ତମ ସମୟ

ସକଳ ଶକ୍ତିର ଆଧାର ସୂର୍ଯ୍ୟଙ୍କୁ ଜୀବନ ଦାନ ପାଇଁ କୃତଜ୍ଞତା ଜ୍ଞାପନର ନାମ ସୂର୍ଯ୍ୟ ନମସ୍କାର । ସକାଳ ସମୟରେ ସୂର୍ଯ୍ୟ କିରଣରେ ସକରାତ୍ମକ ଶକ୍ତି ଯୋଗୁ ଶରୀର ପ୍ରତି ସୁପ୍ରଭାବ ପଡ଼ିଥାଏ । ଏହି ସମୟରେ ସମ୍ପୂର୍ଣ୍ଣ ବାତାବରଣ ଶାନ୍ତ ରହିଥାଏ, ତେଣୁ ଏକାଗ୍ରତା ବଜାୟ ରଖିବା ସହ ସୂର୍ଯ୍ୟ ନମସ୍କାର ସହଜ ହୋଇଥାଏ ।

Also Read: Scientific Benefits of Yoga: ଯୋଗ ଦୂର କରେ ରୋଗ

ସୂର୍ଯ୍ୟ ନମସ୍କାର- ୧୨ଟି ଯୋଗ କ୍ରିୟାର ସମାହାର

ନମସ୍କାର ଆସନ/ Pranamasana- Prayer Pose (Inhale and exhale)
ହସ୍ତଉତ୍ଥାନାସନ/ Hasta Uttanasana- Raised arms Pose (Inhale)
ପଦହସ୍ତାସନ/ Padahastasan- Standing Forward Bend (Exhale)
ଅଶ୍ୱ ସଂଚାଳନ ଆସନ/ Ashwa Sanchalanasana- Equestrian Pose (Inhale)
ଦଣ୍ଡାସନ Dandasana/ Plank Pose (Exhale)
ଅଷ୍ଟାଙ୍ଗ ନମସ୍କାର ଆସନ/ Ashtanga Namaskar- Eight Limbed pose (Hold the Breath)
ଭୁଜଙ୍ଗାସନ Bhujangasana/ Cobra Pose (Inhale)
ପର୍ବତାସନ Parvat Aasa/ Mountain Pose (Exhale)
ଅଶ୍ୱ ସଂଚାଳନ ଆସନ/ Ashwa Sanchalan Asana- Equestrian Pose (Inhale)
ପଦହସ୍ତାସନ/ Hastapadasana- Standing Forward Bend (Exhale)
ହସ୍ତଉତ୍ଥାନାସନ/ Hasta Uttanasana- Raised arms Pose (Inhale)
ନମସ୍କାର ଆସନ/ Pranamasana- Prayer Pose (Exhale)

Also Read: Ashtanga Yoga: ମହର୍ଷି ପତଞ୍ଜଳିଙ୍କ ଅଷ୍ଟାଙ୍ଗ ଯୋଗ ଦର୍ଶନ

ସୂର୍ଯ୍ୟ ନମସ୍କାର କ୍ରିୟାରେ ମୋଟ 8ଟି ଯୋଗାସନ ରହିଛି । ଅଷ୍ଟମ ଆସନ ପରେ ପ୍ରଥମ ଚାରିଟି ଯୋଗାସନ ପୁନର୍ବାର କରାଯାଇଥାଏ । କିଛି ଯୋଗ ଗୁରୁଙ୍କ ଅନୁସାରେ ସୂର୍ଯ୍ୟ ନମସ୍କାରରେ ୭ଟି ଆସନ ଓ ୫ଟି ଆସନକୁ ପୁନର୍ବାର ଅଭ୍ୟାସ କରାଯାଏ । ପଞ୍ଚମ ସୋପାନରେ କରାଯାଉଥିବା ଦଣ୍ଡାସନ ପରିବର୍ତ୍ତେ କିଛି ଗୁରୁ ପର୍ବତାସନ କରିଥାନ୍ତି । ଦୁଇଟି ଯାକ ସୂର୍ଯ୍ୟ ନମସ୍କାର କ୍ରିୟା ଠିକ୍ । ଆପଣ ଚାହିଁଲେ ପଞ୍ଚମ ସୋପାନରେ ଦଣ୍ଡାସନ କିମ୍ବା ପର୍ବତାସନ କରିପାରନ୍ତି ।

ସନ୍ଧ୍ୟା ସମୟରେ ବି କରିପାରିବେ 'ସୂର୍ଯ୍ୟ ନମସ୍କାର'

ଆପଣ ସନ୍ଧ୍ୟାରେ ମଧ୍ୟ ଏହି ଅଭ୍ୟାସ କରିପାରିବେ । ନିଶ୍ଚିତ କରନ୍ତୁ ଯେ ଆପଣ ଏହାକୁ ଖାଲି ପେଟରେ କରୁଛନ୍ତି । ସକାଳ ପରି ସନ୍ଧ୍ୟାରେ ଯୋଗ କରିବା ଉଭୟ ଶାରୀରିକ ଏବଂ ମାନସିକ ଶାନ୍ତି ଆଣିଥାଏ ।

Also Read: ଏହି ସୂର୍ଯ୍ୟ ସହସ୍ତ୍ରାଂଶୋ ।। ସୂର୍ଯ୍ୟ ଅର୍ଘ୍ୟ ମନ୍ତ୍ର ।। Ehi Surya Sahastransho Shlok in Odia🌞